Gin kalipay gid nga gin anunsyo ni Gobernor Dodod Cadiao sa flag ceremony nga gin patigayon kadya nga Lunes it aga, Oktubre 26, 2015 sa EBJ Freedom Park ang nahanungod sa pagtugro kang pasidungog kang nagligad nga adlaw sa mga senior citizens.

 Ang mga kamal-aman gintugruan gid kang andang adlaw kang nagligad nga Huwebes sa banwa kang Valderrama kag halos 2000 ang nagtambong. Dugang pa ni Gob. Cadiao nga ang diang lihok ,amo ang padayon nga pag-ulikid sa aton nga mga kamal-aman.

 Sa maabot nga Oktubre 29, maga-panagtag kang financial assistance sa tanan nga mga lolo kag lola nga naka-abot dun sa edad nga nobenta asta sa edad nga syen.

 Ang aton nga mga kamal-aman nga naga-pang edarun ka nobenta tubtob nobenta y singko magabaton kang 3000php kag groceries samtang ang naga-edaron ka nobenta y singko tubtob syen magabaton kang 5000php nga may abay nga pagkaon kag ang mga edaron syen pataas magabaton 10000php.